බර අඩුකරගන්න ස්ලිම් වෙන්න පලමු පියවර | 1st Step to Lose Weight and Get Slim

ප්‍රධානම දේ තමයි මේ කරන වැඩේදි ඔයා අවංකව මේ කියල තියන දේවල් පිලිපදින්න ඕනෙ ,මගේ පැත්තෙන් මට පුලුවන් 100000% ක් සහතික වෙන්න ඔයා කියල තියන දේවල් ටික හරියට කලොත් අනිවාරෙන් කෙට්ටු වෙනවා කියලා.

මුලින්ම ඔයා ඇග අඩු කරන්න පටන් ගන්න කලින් ඔයාට කොහොමද මේක වෙන්නෙ කියල සරල අවබධයක් ගන්න වෙනවා,

මොකද මේ වෙන්නෙ මොකක්ද කියන එක ගැන ඔයාට අවබෝධයක් තියනවා කියන්නෙ ඔයාට මේක කරන්න අනිවාරෙන් උනන්දුව ඇති වෙනවා කියන එක.

සරලවම කිව්වොත් අපිට ජීවත් වෙන්න අපේ ඇගට ශක්තිය අවශ්‍ය වෙනවා , ඉතින් අපේ ඇගට අපි ශක්තිය ගන්නෙ අපි කන කෑම වලින් , 

ඒ වගේම තමා අපේ ඇග පවත්වාගෙන යන්න අපිට ආහාර ගන්න ඕනෙ වගේම ඒවා ගන්න ඕනෙ හරි ප්‍රමාණෙකුත් තියනවා ,

ඉතින් ඒ ශක්ති ප්‍රමානය මනින්න අපි පාවිච්චි කරනවා කැලරි (Calorie) කියලා මිනුම් ඒකකයක් , සමහරවිට ඔයාල අහලත් ඇති , ඒත් ඒක ගැන වැඩි අවබෝධයක් නැතුව ඇති,

මන් ඊලග පියවරේදී කැලරි ගැන කියලා දෙන්නම් , ඒක අනිවාරෙන් මේ වැඩේදි දැනගෙන ඉන්න ඕනෙ එකක් ,

හරි අපි දැන් මෙහෙම උපකල්පනය කරමු, 

1 වෙනි දවස 

ඔයාගෙ ශරීරය පවත්වාගෙන යන්න ඔයාට අද දවසෙ කැලරි 3,000 ක් අවශ්‍ය වෙනවා, ඒත් ඔයා අද කැලරි 4,000 ක කෑම කාල ඉන්නෙ කියල උපකල්පනය කරන්න.

• එතකොට අද දවසේ ඔයාගෙ ඇගට ඕනෙ වෙලා තිබ්බ කැලරි වලට වඩා ඔයා අරගෙන තියනවා,

• ඔයාගේ ඇගට ඕනෙ වෙලා තිබුන කැලරි 3000ක ප්‍රමානය ඔයාගෙ ඇග විසින් පාවිච්චි කරනව,

• තව කැලරි 1000 ක් ඉතුරු වෙනවා ඔයාගෙ ශරීරයේ, ඒ ඉතුරු වෙලා තියන කැලරි ටික ඔයාගෙ ඇග විසින් පස්සෙ වෙලාවට පාවිච්චි කරන්න කියල ශරීරයේ තැන්පත් කරගන්නවා , 

• ඒවා තැන්පත් කරගන්නෙ අපේ ශරීරයේ මේදය විදිහට, ඉතින් ඔයා අද මහත් වෙන්නේ අන්න ඒ දේ නිසා තමයි

ඒ වගේම තවත් දවසක ඔයාට කැලරි 3000ක් ඕනෙ වෙලා ඔයා එදා දවසෙ ගත්ත ආහාර වලින් ඔයාට ලැබුනෙ කැලරි 2000යි කියලා උපකල්පනය කරන්න

• එතකොට අද දවසේ ඔයාගෙ ඇගට ඕනෙ වෙලා තිබ්බ කැලරි වලට වඩා අඩුවෙන් තමයි ආහාර අරන් තියෙන්නේ

• ඔයා ආහාරයට ගත්ත කැලරි 2000 ශරීරය පාවිච්චි කරනවා, නමුත් තව කැලරි 1000ක් ශරීරයට තව අවශ්‍ය වෙලා තියනවා

• අන්න ඒ අඩු වෙලා තියන කැලරි ප්‍රමානය අපේ  ශරීරයේ තැන්පත් වෙලා තියෙන මේදයෙන් තමා අරගන්නෙ

• එතකොට එහෙම ගන්න වෙලාවට ශරීරයේ තැන්පත් වෙලා තියන මේදය අඩු වෙන්න ගන්නවා.

දැන් මම හිතනවා ඔයාට පුන්චි හරි අවබෝධයක් ලැබෙන්න ඇති ඔයා මහත් වෙන එකට හේතුව කියලා, ඒ වැටහීමත් එක්ක ඔයාට මේ වැඩේ කරගෙන යන්න ගොඩාක් ලේසි වෙනවා. 

ඒ වගේම කෙට්ටු වෙන එක ඔයාල හිතන තරම් අමාරු දෙයක් නෙමෙයි , ඕනෙම කෙනෙක් ට කෙට්ටු වෙන්න පුළුවන් හරියට මේ දේ අවබෝධයක් ඇතුව කලොත් , 

කිලෝ 114 හිටපු මම කිලෝ 74 ට අද බර අඩුකරගත්තා වගේ මේ ඇප් එක / වෙබ් එක හදල මේ දේ ඔයාලට දෙන මගෙත් එකම බලාපොරොත්තුව ඔයාලගෙත් බර අඩුකරගන්න උදව්කරන එකයි.

ඒ වගේම මේ වැඩේ පලවෙනි පියවර විදිහට අපි අපේ ඇහ මේ වැඩේට හරිගස්සගන්න අවශ්‍යයි , ඉතින් ඒ නිසා උඩ මම කියල තියන කැලරි ගැන මුකුත් හිතන්නෙ නැතුව දවස් 5 - 7 ක් පහල මම කියල තියන ආකාරයට කරන්න ,

මතක තියාගන්න , තමන්ට අවංක වෙලා මේ වැඩේ කරන්න , ප්‍රතිඵල ඔයාට බලාගන්න පුලුවන්.

• ඔයා වෙනදට කන ආහාර වේල් තුන කද්දි කාපු ප්‍රමානෙට වඩා අදුවෙන් කෑම කන්න ඕනෙ දවස් 5-7ක් යනකන් ,ඒ කියන්නෙ ඔයා වෙනදට් බත් හැදි 4ක් බෙදා ගත්ත නම් 2ක් බෙදා ගන්න , 2ක් බෙදා ගත්ත නම් 1ක් බෙදාගන්න.

• උදේට, දවල්ට , හවසට බොන තේ එක නතර කරගන්න බැරිම නම් දවස් 5-7ක් යනකන් උදේටයි හවසටයි සීනි නොදා බොන්න උත්සහ කරන්න , බරිම නම් සීනි හැන්දක් වගේ දාල බොන්න.

• ප්‍රධාන ආහාර වේල් වලට අමතරව තේ බොන / ප්‍රධාන ආහාර වේල් ගන්න වෙලාවල් වලට අතර මැදින් ගන්න බිස්කට් , ශෝට් ඊට්ස් ඇතුලු සියළුම ආහාර ජාති ගන්න එකෙන් වලකින්න,

• සීනි අඩංගු ආහාර ගැනීම පුලුවන් තරම් අඩු කරන්න , පැනි රස බීම , කිරි පැකට් ඇතුලු සියලුම දේවල් නතර කරන්න , මොකද ඒවගෙ සීනි අඩංගු වෙන නිසා , ඒත් එහෙම ඉන්නම බැරිනම් නෝමල් Coca Cola , Sprite , Pepsi වගේ දේවල් බොන්නෙ නැතුව Zero නිශ්පාදන බොන්න , මොකද ඒවගෙ සීනි නෑ  කෘතීම පැනිරස තියෙන්නෙ ඉතින් ඒවට ශරීරයේ සීනි මට්ටම වැඩි වෙන්නෙ නෑ  

Sprite zero / Coca Cola zero / Pepsi zero

• දිනකට අවම වතුර ලීටර් 2-3 අතර ප්‍රමාණයක් බීමට ගන්න , කෙට්ටු වෙන එකට වතුර අවශ්‍ය ප්‍රමානයට බොන එක අනිවාර්‍යයයි ඒක නිසා අවම ලීටර් 2ක් වත් බීමට ගන්න, ඔයාලට අමතර ආහාර ගන්න එක 

නවත්තන්න උන නිසා ඔයාලට එක්ක කන්න උවමනා වෙන වෙලාවට ඒව කන්න උත්සහ කරන්නෙ නතුව් ඒ වෙලාවට වතුර බොන්න , එතකොට ඒක අමතක කරන්න ඔයාලට උදව්වක් වේවි.

ඉතින් ඔන්න ඔය දේවල් ටික දින 5ක් 7ක්  කරන්න , අමාරු දෙයක් නෙමෙයි , අපිට ලස්සන වෙන්න , කෙට්ටු වෙන්න නම් ඔය දේවල් ටික සතියක් ඔයාට කරන්නම වෙනවා ,

තමන් අධිෂ්ඨාන කරගන්න ඔයාගෙ ජීවිතේ ලස්සන කරගන්න ඔයා ඔයාගෙ ජීවිත කාලෙන් පුන්චිම පුන්චි මාස 3ක් 5ක් වගේ කෙටි කාලයක් ලේසියෙන්ම කිසිම අමාරුවක් නැතුව කරන්න පුලුවන්,ඔයාගෙ ජීවිතෙ වෙනස් කරන්න පුලුවන් දේකට කැප කරනවා කියලා , එතකොට මේ ගමන යන්න ඔයාට තවත් ලේසි වෙනවා

ඊලගෙ පියවරෙන් ඔයාලට කැලරි ගැන සරලව කියලා දෙනවා , ඒ වගේම ඊලගට මොකක්ද කරන්න ඕනෙ කියලත් කියලා දෙනවා.